1. ЗОРИЛГО :

Шинжлэх ухаан технологийн чиглэлээр шилдэг Монгол оюутан, сурагчдыг шалгаруулан улмаар БНСУ-ын Улсан хотын Шинжлэх Ухаан Технологийн Институтад // 100%-ийн тэтгэлгээр элсүүлэн суралцуулах

Монголын Улсын Шинжлэх ухаан, технологийн салбарт шилдэг тэргүүний боловсон хүчинг нэмэгдүүлэх

2. ТАНИЛЦУУЛГА :

• Уралдааны нэр : ШИНЖЛЭХ УХААН ТЕХНОЛОГИЙН ЧИГЛЭЛЭЭР БНСУ-ЫН УЛСАН ХОТЫН ШИНЖЛЭХ УХААН ТЕХНОЛОГИЙН ИНСТИТУТАД ОЮУТАН, СУРАГЧ ЭЛСҮҮЛЭН СУРАЛЦУУЛАХ УРАЛДААНТ ШАЛГАРУУЛАЛТ

• Явагдах газар : ШУТИС Шинжлэх Ухаан Технологийн Ахлах сургууль
• Төрөл : Математик, Физик
• Хамрах хүрээ : Монгол улсын их дээд сургуулиудын 1-р курсын оюутан, ахлах сургуулийн 11, 12-р ангийн сурагчид

​3. Уралдааны зохион байгуулалт

1.Шалгаруулах арга хэмжээ

• Урьдчилсан шалгаруулалт /1-р үе шат/

А. Уралдааныг Шинжлэх Ухаан Технологийн Ахлах сургууль /цаашид ШУТАС гэх/ эрхлэн зохион байгуулна.

Б. Шалгаруулалтын комисс ШУТАС-ийн 3 төлөөллөөс бүрдэнэ.

В. Оролцогч нь бичиг баримтаа бүрдүүлж заасан хугацаанд ШУТАС-ийн 308 тоотод ирж бүртгүүлнэ.

Бүрдүүлэх бичиг баримт :

• Иргэний үнэмлэх эсвэл төрсний гэрчилгээний хуулбар
• Боловсролын гэрчлэх бичиг баримт /бүрэн дунд боловсролын гэрчилгээний хуулбар эсвэл суурь боловсролын гэрчилгээний хуулбар/
• Төгсөлтийн болон ЭЕШ-ийн батламж
• Удирдагч багш болон мэргэжлийн багшийн тодорхойлолт
• Математик, байгалийн шинжлэх ухааны хичээлийн төрөлжсөн олимпиадад амжилт гаргасан бол өргөмжлөлийн хуулбар
• Албан ёсны Англи хэлний шалгалт өгсөн бол Англи хэлний шалгалтын оноо

Г. Бичиг баримт тус бүр оноо тооцно. /Хавсаргасан материалаас хамаарна/

Д. Төрөл бүрээс 100 оролцогч дараагийн шатанд сонгогдоно.

• 2-р үе шат

А. Шалгалтын хэлбэр : Олон сонголттой тест /Төрөл тус бүр нь 30 асуулттай, 100 оноотой/

Б. Тест боловсруулах баг : Төрөл тус бүр дээр ШУТИС эсвэл ШУТАС –ийн мэргэжлийн 3 багш

В. Явагдах газар : ШУТИС-ийн харьяа Шинжлэх Ухаан Технологийн Ахлах сургууль

Г. Хамрагдах оюутны тоо : 1-р шатанд 100 хүртэлх оролцогч

Д. Шалгалтын хугацаа : 90 минут

Е. Төрөл бүрээс хамгийн өндөр оноо авсан 15 оролцогчийг шалгаруулан дараагийн шатанд оролцох эрх олгоно. /Нийт 30 оролцогч/

• Үндсэн шалгаруулалт /3-р үе шат/

А. Шалгалтын хэлбэр : Бичгийн шалгалт математик, физик

Б. Тест боловсруулах баг : Улсаны их сургуулийн 2, ШУТИС болон ШУТАС-ийн 3 багш нарын хамтарсан баг

В. Явагдах газар : ШУТАС

Г. Хамрагдах хүний тоо : Төрөл бүрээс 15 оюутан

Д. Шалгалтын хугацаа : 120 минут

Е. Шагнал /төрөл тус бүр дээр/

• 1-р байр : 1 оролцогч алтан медаль, өргөмжлөл, 200$
• 2-р байр : 1 оролцогч мөнгөн медаль, өргөмжлөл, 150$
• 3-р байр : 1 оролцогч хүрэл медаль, өргөмжлөл, 100$
• Тусгай байр : 2 оролцогч тус бүр өргөмжлөл, 80$
• Оролцогчдын шагнал : 10 оролцогч өргөмжлөл, 50$
• Шагналын сан нийт : 2220$

Медаль авсан оролцогч бүр өвлийн амралтаар Бүгд Найрамдар Солонгос Улсын Улсаны Шинжлэх Ухааны Технологийн Институтэд 100 хувийн тэтгэлэгээр сурах эрх авна.