ШУТИС-ийн Ахлах сургуулийн багш нарын эрдэм шинжилгээний хурал 2018.10.03-ны өдөр амжилттай зохион байгуулагдав. Энэхүү эрдэм шинжилгээний хурал хоёр дахь жилдээ зохион байгуулагдаж байгаа бөгөөд багш нарын сургалт, судалгааны ажлыг дэмжих, нийтэд сурталчлах, хичээлийн үр өгөөжийг сайжруулах боломжийг эрэлхийлэх, багшийг ажлын байран дээр нь хөгжүүлэх, багш хоорондын хамтын ажиллагааг өргөжүүлэхэд тус хурлын зорилго оршино.

Хурлыг нээж захирал доктор, профессор Д.Буянтогтох үг хэлж, шүүгчээр ХШУС-ийн эрдэмтэн нарын бичгийн дарга доктор В.Өлзийбаяр, ХШУС-ийн багш доктор Н.Мөнхсайхан нар болон сурагчид оролцож сонирхсон асуулт хариулт,санал бодлоо өрнүүлэв.

Хуралд дараах илтгэлүүд хэлэлцэв. Үүнд:

• Математикийн багш Т. Сарангэрэл  “Багшийн хөгжил, сурах бичиг, сургалтын хэрэглэгдэхүүн”
• Физикийн О.Отгонбаяр “Багшийн хөгжил – арга зүй”
• Математикийн  багш Б.Тунгалаг “ШУТИС-ийн инженерийн ангийн оюутнуудын инженерийн математекийн сургалтын асуудал”
• Нийгмийн ухааны багш Д. Уранцэцэг “Багшийн хөгжил, сурах бичиг, сургалтын хэрэглэгдэхүүнийн хэрэгцээ”
• Нийгмийн ухааны багш Б.Эрдэнцэцэг /ухааны багш магистр/ “Нийгмийн ухааны хичээлээр суралцагчдын ярих, илтгэх чадварыг хөгжүүлэх боломж”
• Англи хэлний багш Д.Оюун /ухааны багш магистр/ “Adventage of using songs in teaching English grammar”
• Э.Гансүх /ухааны багш магистр/ “Сурагчид багаар хамтран хүүхэлдэйн киноны дүрийг бүтээх явцад бүтээлчээр суралцахдаа Q5-ыг хэрэглэсэн нь”
• Монгол хэлний багш Б.Энэбиш /ухааны багш магистр/ “Уран зохиол дахь давталт ба хоршоо үгээр хүүхдийн хэл яриа, танин мэдэхүйг хөгжүүлэх нь (Ж. Дашдондогийн зохиолуудын жишээн дээр)”
• Мэдээллийн технологийн багш Н.Насанбуян /ухааны багш магистр/ “Уламжлалт Анагаах Ухааны эмийн ургамлын гар утасны програм” зэрэг болно.

       Илтгэлүүдээс 1-р байранд Б.Эрдэнцэцэг багш,  2-р байранд Э.Гансүх багш шалгарч ахлах сургуулийн өргөмжлөл, үнэ бүхий зүйлээр шагнагдав.