ШУТИС-ИЙН ХАРЬЯА ЕРӨНХИЙ БОЛОВСРОЛЫН АХЛАХ СУРГУУЛИЙН  2018-2019 ОНЫ ХИЧЭЭЛИЙН ЖИЛИЙН “НАМРЫН СПОРТ АЯЛАЛ”  ҮЙЛ АЖИЛЛАГААГ АМЖИЛТТАЙ ЗОХИОН БАЙГУУЛЛАА   

 ШУТИС-ийн Ахлах сургууль суралцагчдынхаа чөлөөт цагийг зөв боловсон өнгөрүүлэх, бие бялдрыг өв тэгш хөгжүүлэх, спортоор хичээллэх хүсэл эрмэлзэлтэй болгох зорилготой намрын спорт аяллыг 2018 оны 9-р сарын 15-ны өдөр Төв аймгийн Баян-Чандмань суманд зохион байгуулж спортын олон төрөлт тэмцээний аваргуудаа шалгаруулав.

Багш, суралцагчдын танин мэдэхүйн хөгжилд зориулж “Баян” өндөгний үйлдвэрийн үйл ажиллагаатай танилцсан. Мөн Баян-Чандмань суманд байрлах амьтны хүрээлэнг үзэж 40-өөд төрлийн 100 гаруй нэр төрлийн  зэрлэг болон өвсөн тэжээлтэн амьтдыг үзэж танилцан тэдгээрийн амьдрах орчин, хоол тэжээл, үр хөврөлийн талаар тодорхой мэдлэгтэй болж нэг өдрийг үр бүтээлтэй өнгөрөөлөө.

Түүнчлэн нийт ангиудын дунд уулын оргил булаалцалдах, хөгжөөнт буухиа, олс таталт, 3X3 сагсан бөмбөгийн аварга шалгаруулах 4 төрлийн тэмцээн зохион байгууллаа. Үүнд 8 бүлгийн 132 тамирчид өрсөлдөж дараах ангиуд тэргүүн байрыг эзлэв.

• Уулын оргил булаалцалдах тэмцээнд

              1-р байр – О.Отгонбаяр багштай 11а анги

              2-р байр – Д.Уранцэцэг багштай 12а анги

• Хөгжөөнт буухиа тэмцээнд

1-р байр – Б.Тунгалаг багштай 11в анги

2-р байр – А.Баярсайхан багштай 10б анги

• Олс таталтын тэмцээнд

1-р байр – д.Оюун багштай 12б анги

2-р байр – Н.Амгалан багштай 10а анги

• 3X3 Сагсан бөмбөгийн аварга шалгаруулах эрэгтэй тэмцээнд

              1-р байр –Б.Тунгалаг багштай 11в анги

2-р байр – Д.Оюун багштай 12б анги

• 3X3 Сагсан бөмбөгийн аварга шалгаруулах эмэгтэй тэмцээнд

1-р байр – Э.Гансүх багштай 11б анги

2-р байр –О.Отгонбаяр багштай 11а ангиэзэлж тус тус өргөмжлөл, үнэ бүхий зүйлээр шагнагдав.

Спорт аяллын олон төрөлт тэмцээнд Б.Эрдэнэцэцэг багштай 10в анги дэг журмыг чанд сахиж бусдыгаа манлайлан үлгэр жишээ байж, тэмцээнд идэвхитэй оролцсон тул үнэ бүхий зүйлээр шагнагдав.